امریکی ریاستوں میں طوفان اور سیلاب سے 41 اموات

امریکا کی جنوب مشرقی ریاستوں میں طوفان اور سیلاب کے باعث41 اموات ہوئی ہیں۔

امریکی میڈیا کے مطابق فلوریڈا کے بگ بینڈ ریجن میں 140 میل فی گھنٹے کی رفتار سے ہوائیں چل رہی ہیں جن کی وجہ سے گھروں کو نقصان پہنچا ہے۔

فلوریڈا کے جزیرہ سیڈارکی میں آندھی سے سمندر میں کشتیاں الٹ گئیں۔

سمندری طوفان ’ہیلین‘ ریاست جارجیا کی طرف بڑھنے لگا

سمندری طوفان ’ہیلین‘ امریکی ریاست فلوریڈا سے ٹکرانے کے بعد ریاست جارجیا کی طرف بڑھ گیا۔

امریکی میڈیا کا کہنا ہے کہ امریکا کی ریاستوں فلوریڈا اور ورجینیا میں 48 لاکھ افراد بجلی سے محروم ہو گئے ہیں۔

طوفان سے متاثر ریاستوں میں 900 پروازیں منسوخ اور 3300 پروازیں تاخیر کا شکار ہو گئیں۔

سمندری طوفان کمزور ہو کر کیٹیگری 1 کا ہو گیا ہے، گزشتہ روز یہ کیٹیگری 4 کا تھا۔