سری لنکن کرکٹر پر ایک سال کی پابندی

کراچی(اسٹاف رپورٹر) انٹرنیشنل کرکٹ کونسل نے انٹرنیشنل کرکٹ اور لنکا پریمیئر لیگ میں اینٹی کرپشن کوڈ کی خلاف ورزی پر سری لنکا کے اسپنر پراوین جیا و کراما پرایک سال کی پابندی عائد کر دی ، جیا و کراما نے خلاف ورزی تسلیم بھی کر لی ہے جبکہ آف اسپنر کی ایک سالہ پابندی میں 6 ماہ کی معطلی بھی شامل ہے۔آف اسپنر پراوین جیا وکراما نے 5 ایک روزہ ، 5 ٹیسٹ اور 5 ٹی 20 میچز میں سری لنکا کی نمائندگی کی ہے۔