• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سگریٹ ہڈیوں کے مالیکیولر میک اپ کو ہمیشہ کے لئے بدل دیتا ہے، تحقیق

آج کا اخبار
یورپ سے
20 اکتوبر ، 2024
مانچسٹر(نمائندہ جنگ)سائنس دانوں نے تحقیق میں اس امر کا پتہ لگایا ہے کہ سگریٹ ہڈیوں کے مالیکیولر میک اپ کو ہمیشہ کیلئے بدل دیتا ہے۔ پھیپھڑوں کے کینسر سے لے کر دل کی بیماری اور دائمی برونکائٹس تک نقصان کا سبب بننے والے سگریٹ پر سائنسدانوں نے تحقیق کی ہے، خطرناک عادت موت کے بعد صدیوں تک آپ کی ہڈیوں میں نشانات چھوڑ سکتی ہے۔ لیسٹر یونیورسٹی کے محققین نے انگلینڈ میں 1150اور 1855کے درمیان دفن انسانی باقیات کا مطالعہ کیا، یہ ٹائم لائن 16ویں صدی میں مغربی یورپ میں تمباکو کی آمد کو موثر طریقے سے سینڈویچ کرتی ہے ایک ایسا عمل جو عام طور پر 1586میں سر والٹر ریلی کو دیا جاتا ہے، سائنسدانوں نے پایا کہ تمباکو نوشی نہ صرف آپ کے دانتوں میں داغ اور ڈینٹ بناتی ہے بلکہ اس سے آپ کے دانتوں میں چھوٹے چھوٹے کیمیکل مالیکیول رہ جاتے ہیں جو ممکنہ طور پر ہمیشہ کیلئے وہاں رہتے ہیں، ماہرین نے ان مالیکیولز کے بارے میں مزید معلومات حاصل کرنے اور جدید دور کی انسانی صحت پر ان کے اثرات کے بارے میں جاننے کا ارادہ کیا۔ہماری تحقیق سے پتہ چلتا ہے کہ ماضی کے تمباکو استعمال کرنے والوں اور غیر استعمال کرنے والوں کی ہڈیوں میں موجود مالیکیولر خصوصیات میں نمایاں فرق ہے عام طور پر سائنسدان آسانی سے بتا سکتے ہیں کہ آیا سینکڑوں سال پہلے کا کوئی فوت شدہ فرد دانتوں پر داغ یا نشانات کی وجہ سے سگریٹ نوشی کرتا تھا۔
یورپ سے سے مزید