• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ڈونلڈٹرمپ میگا بیس بال کی ٹوپی پہننے پر جھگڑا، برٹش ائرویز کی پرواز تاخیر کا شکار

آج کا اخبار
یورپ سے
01 نومبر ، 2024
مانچسٹر(نمائندہ جنگ) ڈونلڈٹرمپ میگا بیس بال کی ٹوپی پہننے کے تنازع پر جھگڑا کرنے کے الزام میں دو خواتین مسافروں کو برٹش ائر ویز کی پرواز میں سوار ہونے سے روک دیا گیا۔برطانوی ذرائع ابلاغ کے مطابق ہیتھرو ائر پورٹ کے ٹرمینل 5پر واقعہ اس وقت پیش آیا جب ایک خاتون نے دوسری خاتون مسافر سے کہا کہ وہ سرخ ٹوپی اتار دے جو اس نے پہن رکھی تھی، ٹوپی پر صدارتی امیدوار ڈونلڈ ٹرمپ کا میک امریکہ گریٹ اگین (میگا) کا نعرہ درج تھاجب ڈونلڈٹرمپ کے حامی نے انکار کیا تو مبینہ طور پر اس پر مکے برسائے گئے، طیارے کی پریمیم اکانومی میں جہاں دونوں خواتین بیٹھی تھیں جھگڑے سے دیگر مسافربھی سخت پریشان ہوئے، معاملے سے نمٹنے کیلئے پولیس کو بلالیا گیا، دونوں خواتین کو جھگڑے کے دوران پولیس نے پرواز میں سوار ہونے سے روک دیا، جھگڑے کے باعث طیارہ دو گھنٹے تک رکا رہا، پرواز میں تاخیر کی وجہ سے مسافروں کو ذہنی اذیت کا سامنا کرنا پڑا، خواتین میں سے کسی کو بھی باضابطہ طو رپر حراست میں نہیں لیا گیا لیکن پولیس کی جانب سے پوچھ گچھ کے دوران دونوں نے مبینہ طور پر ایک دوسرے پر جھگڑے کا الزام لگایا۔
یورپ سے سے مزید