• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

گھروں میں لاکھوں کی چوریاں، 2 گاڑیاں، 35 موٹر سائیکل بھی اڑا لئے گئے

میرا شہر
اسلام آباد
01 نومبر ، 2024
اسلام آباد ( ایوب ناصر، خصوصی نامہ نگار ) جڑواں شہروں میں ڈکیتی، سرقہ بالجبر ، سٹریٹ کرائم،نقب زنی اور چوری کی 89وارداتوں میں نقدی ، زیورات ، دیگر قیمتی سامان کے علاوہ ، 2 کاریں ، 35موٹر سائیکل، 31موبائل فون اڑا لئے گئے۔4موٹر سائیکل، 9موبائل فون اور لاکھوں روپے کی نقدی اسلحہ کی نوک پر جبکہ 9موبائل فون جھپٹا مار کر چھینے گئے۔34گھروں کے تالے ٹوٹ گئے اور چور نقدی اور زیورات کے علاوہ دیگر قیمتی سامان لے اڑے ۔ سیکٹر بی 17 میں بہادر خاتون نے واردات ناکام بنا دی اورکار چوری کےلئے آئے چور کو دبوچ کر پولیس کے حوالے کر دیا ۔تھانہ رتہ امرال کے علاقے ڈھوک حسو میں نا معلوم چور فیاض خان کے گھر سے نو لاکھ روپے مالیت کے زیورات اور نقدی ،تھانہ وارثخان کے علاقے ڈھوک کھبہ میںپروین اختر کے گھر سے سوا تین لاکھ روپے کی نقدی اور زیورات ، زائدہ سجاد کے گھر سے پونے 21 لاکھ روپے کی نقدی اور زیورات ، تھانہ نیو ٹاؤن کے علاقے ایف بلاک میںمحمد شاہد سے موبائل فون ،لاکھوں کی نقدی اور زیورات چھین لئے گئے ۔تھانہ آرا بازار کے علاقے ہارلے سٹریٹمیں صغیر احمد کے گھر سے 35 لاکھ روپے کا سامان ، تھانہ سول لائن کے علاقے ڈھیری حسن آباد میںفضل مشتاق کے گھر سے ساڑھے تین لاکھ روپے مالیتی موبائل فون ، نقدی اور زیورات ، لالہ زار میں رضوانہ توقیر کے گھر سے ساڑھے دس لاکھ روپے کی نقدی اور زیورات، تھانہ گوجر خان کے علاقہ میں محمد قذافی کا موبائل فون اور دو لاکھ 60 ہزار، برکی بڑھال کے علاقے میںرفاقت حسین کے گھر سے 16 لاکھ روپے کی نقدی اور زیورات ،تھانہ صدر بیرونی شاہ پور اڈیالہ روڈ پر محمد رضوان کے گھر سے پانچ لاکھ روپے اور 9 لاکھ روپے کے زیورات ، جراہی سٹاپ سے عبدالشکور کے اڑھائی لاکھ روپے چوری ہو گئے ۔تھانہ دھمیال کے علاقہ میں اصغر حمید سے دو مسلح افراد تین لاکھ روپے ، گرجا روڈپر ارشد عباس سے دو لاکھ روپے چھین لئے گئے ۔ تھانہ روات کے علاقے فیز ایٹمیں 41 لاکھ روپے کی نقدی کینڈین ڈالر اور زیورات چوری کر لئے گئے ۔
اسلام آباد سے مزید