• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاک بحریہ کے جنگی جہاز ذوالفقار کا میری ٹائم سیکورٹی گشت کے دوران جیبوتی کا دورہ

آج کا اخبار
اہم خبریں
06 نومبر ، 2024
کراچی ( اسٹاف رپورٹر ) پاک بحریہ کے جنگی بحری جہاز ذوالفقار نے ریجنل میری ٹائم سیکیورٹی پٹرول پر تعیناتی کے دوران جیبوتی کی بندرگاہ کا دورہ کیا۔ بندرگاہ پہنچنے پر جبوتی بحریہ کے حکام نے پاک بحریہ کے جہاز کا استقبال کیا۔ بندرگاہ پر قیام کے دوران پی این ایس ذوالفقار کے کمانڈنگ آفیسر نے جیبوتی کی اعلیٰ عسکری قیادت سے ملاقاتیں کیں اور مزید تعاون کے مواقع پر بات چیت کی۔ پاکستان اور جیبوتی کی بحری افواج کے مابین دوطرفہ روابط دونوں برادر ممالک کے درمیان سفارتی اور عسکری تعلقات میں بنیادی حیثیت رکھتے ہیں۔ مزید برآں؛ پی این ایس ذوالفقار کے عملے نے جبوتی بحریہ اور کوسٹ گارڈز کے ساتھ پیشہ ورانہ امور پر مفید بات چیت اور اپنے تجربات کا تبادلہ بھی کیا۔ مشترکہ سمندری مفادات کے باعث؛ پاکستان اور جبوتی کے مابین قریبی اور خوش گوار سفارتی تعلقات ہیں۔ ان تعلقات میں باہمی احترام اور افہام و تفہیم کا کلیدی کردار ہے۔
اہم خبریں سے مزید