فرمان الہی
نماز کے اوقات
کراچی( افضل ندیم ڈوگر) پنجاب میں شدید دھند کی وجہ سے مختلف ایئرپورٹس کا فلائٹ اپریشن شدید متاثر ہوا ہے 20 پروازیں منسوخ کر دی گئیں۔ تین پروازوں کو متبادل ایئرپورٹس پر اتارا گیا جبکہ 100 پروازیں تاخیر کا شکار ہوئیں۔ ایوی ایشن ذرائع کے مطابق کراچی سے فیصل اباد پی کے 340، 341 لاہور کوئٹہ پی کے 322، 323، جدہ لاہور ایس وی 738، 739، لاہور دبئی پی کے 204 ملتان دوحہ کیو ار 617مسقط سیالکوٹ پی کے 281، 282 اور اسلام اباد گلگت کی 4 پروازیں پی کے 601، 602، 605، 606 غیر ملکی ایئر لائن کی لاہور سے دبئی شارجہ اور کراچی کی 6 پروازیں منسوخ کی گئیں۔ دوحہ سے ملتان پہنچی غیر ملکی ایئر لائن کی پرواز کیو ار 616 اسلام آباد اتاری گئی۔ موسم ٹھیک ہونے پر پرواز کو اسلام اباد سے واپس ملتان لایا گیا۔ جدہ سے لاہور کی پرواز ایس وی 738 کو بھی اسلام اباد اتار لیا گیا جبکہ دمام سے سیالکوٹ کی پرواز پی کے 244 کو لاہور اتارا گیا۔ لاہور سے کوالالمپور کی پرواز او ڈی 132 اور لاہور سے بینکاک کی پرواز ٹی جی 346 جمعہ کی دوپہر تک روانہ نہیں ہوسکیں۔ کراچی اسلام اباد کے مابین 12 کراچی لاہور کی 7 پروازیں تاخیر کا شکار ہوئیں۔ لاہور ایئرپورٹ پر آمد روانگی کی 40 پروازیں تاخیر کا شکار ہوئیں۔ لاہور سے دبئی اور ابوظہبی کی تین پروازوں کی روانگی میں 6 گھنٹے سے زائد کی تاخیر ہوئی۔
