• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لندن میں کتے کے حملے سے ایک شخص ہلاک، ڈاگ اونر زیر حراست

آج کا اخبار
یورپ سے
07 دسمبر ، 2024
لندن (پی اے) مشرقی لندن میں کتے کے حملے سے ایک شخص ہلاک ہو گیا۔ میٹروپولیٹن پولیس نے کہا ہے کہ بدھ کی صبح مشرقی لندن میں کتے کے حملے کے بعد ایک 42 سالہ شخص کی موت ہو گئی۔32سالہ لیان میکڈونل کو اسٹراٹ فورڈ کے شرلی روڈ پر ہونے والے حملے کے الزام میں گرفتار کر لیا گیا ہے۔ پولیس کو اس اطلاع کے بعد کہ ایک شخص عاکف مشتاق شدید زخمی ہو گیا ہے، بدھ کو جی ایم ٹی 04:53 بجے جائے وقوعہ پر بلایا گیا۔میٹ نے بتایا کہ اسے اسپتال لے جایا گیا، جہاں بعد میں اس کی موت ہوگئی۔ محترمہ میکڈونل پر ایک کتے کے مالک ہونے کا الزام عائد کیا گیا ہے، جو موت کا سبب بنا۔ اس پر 18 نومبر کو ہونے والے ایک الگ واقعے کے سلسلے میں بھی الزام عائد کیا گیا ہے، جس میں ایک کتے کو خطرناک طور پر قابو سے باہر رکھنے کی گنتی کی گئی، جس کی وجہ سے کوئی چوٹ نہیں آئی۔ فورس نے تصدیق کی کہ دونوں واقعات میں ملوث کتے کو پولیس نے اپنے قبضہ میں لے لیا ہے۔ محترمہ میکڈونل کو حراست میں لے لیا گیا تھا اور وہ جمعہ کو بارکنگ سائیڈ مجسٹریٹس کی عدالت میں پیش کی گئیں، عدالت نے ضمانت منظور کرکے رہا کردیا ہے۔
یورپ سے سے مزید