• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

انگلش کرکٹرز کا اپنے ہی لیگ کے بائیکاٹ کا امکان پیدا ہوگیا

آج کا اخبار
یورپ سے
08 دسمبر ، 2024
لندن( جنگ نیوز )انگلینڈ کرکٹ بورڈ (ای سی بی) کے کھلاڑیوں پر پاکستان سپر لیگ (پی ایس ایل) سمیت فرنچائز لیگز کھیلنے پر عائد پابندی پر ردعمل سامنے آنے لگا۔برطانوی میڈیا رپورٹس کے مطابق پی ایس ایل سمیت فرنچائز لیگز کھیلنے پر پابندی کیوں لگائی پر، انگلش کرکٹرز کا اپنے ہی لیگ کا بائیکاٹ کا امکان پیدا ہوگیا ہے۔میڈیا رپورٹس کے مطابق انگلینڈ کے لگ بھگ 50 کرکٹرز کا ای سی بی کے غیر ملکی فرنچائز ٹورنامنٹ کے فیصلے کے خلاف بات کی ہے۔میڈیا رپورٹس کے مطابق انگلش کرکٹرز آئندہ برس ای سی بی کی ہونے والی’’ دی 100 ‘‘کا بائیکاٹ کرنے پر غور کررہے ہیں۔یاد رہے کہ ای سی بی نے ڈومیسٹک اور اپنی لیگ کے دوران غیر ملکی فرنچائز لیگز کےلیے کھلاڑیوں کو این او سی نہ دینے کی پالیسی کا اعلان کیا تھا۔ای سی بی کے اس فیصلے سے کھلاڑیوں اور ان کے ایجنٹس میں مایوسی پھیلی ہے، 50 کے قریب کھلاڑیوں اور ان کے ایجنٹس نے معاملے پر پروفیشنل کرکٹرز ایسوسی ایشن کے ساتھ ملاقات بھی کی۔ملاقات میں احتجاجاً کھلاڑیوں کا’’ دی 100‘‘نہ کھیلنے پر غور کیا گیا، 50 کے قریب کھلاڑیوں میں انگلینڈ کی نمائندگی کرنے والے کھلاڑی بھی شامل ہیں۔برطانوی میڈیا کے مطابق انگلینڈ کے کاؤنٹی کرکٹ کھیلنے والے سرکردہ کھلاڑیوں کا ریڈ بال کرکٹ سے ریٹائرمنٹ کا بھی امکان ہے، پی ایس ایل میں کنٹریکٹ کنفرم ہونے پر کھلاڑی اپنی کاؤنٹیز کی ٹیموں کے ساتھ کنٹریکٹ پر نظر ثانی کر سکتے ہیں۔
یورپ سے سے مزید