فرمان الہی
نماز کے اوقات
کراچی(اسٹاف رپورٹر)جنوبی افریقا نے پاکستان کے خلاف پہلا ٹی ٹوئینٹی انٹر نیشنل11 رنز سے جیت کر سیریز میں ایک صفر کی برتری حاصل کر لی۔ دوسرا میچ جمعے کو کھیلا جائے گا۔ منگل کو ڈربن میں جنوبی افریقا نے ٹاس جیت کر پہلے بیٹنگ کی۔ اننگز میں 14چھکوں نے پاکستانی بولروں کے لئے مشکلات پیدا کیں۔ ڈیوڈ ملر اور جارج لینڈےکی دھواں دار بیٹنگ کی بدولت 9وکٹ پر183رنز بنائے جواب میں پاکستان نے20اوورز میں8وکٹ172رنز بنائے۔ ڈیوڈ ملر نے 40 گیندوں پر 82 رنز بنائے۔ جارج لینڈا 24 گیندوں پر 48 رنز بنا کر آؤٹ ہوئے۔انہوں نے چار چھکے اور تین چوکے مارے اورکیئریئر بیسٹ21رنز دے کر چار وکٹ حاصل کئے۔ پاکستان کی جانب سے کپتان محمد رضوان نے سب سے زیادہ 62 گیندوں پر 74رنز بنائے لیکن وہ صورتحال کے مطابق سلو کھیلے۔ پاکستانی اننگز میں بابر اعظم صفر،عثمان خان 9صائم ایوب15گیندوں پر31، طیب طاہر 18شاہین آفریدی 9 عرفان خان ایک عباس آفریدی کوئی رن بنائے بغیر آوٹ ہوئے۔ زمبابوے میں پاکستانی بولنگ کے ہیرو اور نوجوان اسپنر سفیان مقیم سب سے مہنگے بولر رہے ان کے آخری اوور میں لینڈانے تین چھکے مارے، انہوں نے چار اوورز میں53رنز دے کر ایک وکٹ حاصل کی۔
