فرمان الہی
نماز کے اوقات
کراچی(اسٹاف رپورٹر) صدر لکی اسٹار پی ایس او پمپ کے قریب تیزرفتار واٹر ٹینکر کی ٹکر سے موٹرسائیکل 60 سالہ معروف جاں بحق ہوگیا ، قیوم آباد جام صادق پل کے قریب ٹریلر کی ٹکر سے موٹرسائیکل سوار 18 سالہ راج عاش ہلاک اور 15 سالہ لیون زخمی ہوگیا، حب ریور روڈ ولایت علی شاہ درگاہ کے سامنے تیز رفتارموٹرسائیکل سلپ ہونے سے قائم عظیم اور شہاز جاں بحق ہوگئے ، حسین نوردین زخمی ہوا ہے ،پولیس کے مطابق تینوں نوجوان آپس میں دوست اور بلدیہ ٹاون کے رہائشی ہیں ، ناظم آباد 2 نمبر سے گولیمار پل جاتے ہوئے ٹریفک حادثے میں موٹرسائیکل سوار 19 سالہ حنین عمران جا ں بحق ہوگیا، بلدیہ 4نمبر ہری مسجد کے قریب ٹریفک حادثے میں 32 سالہ محمد ندیم جاں بحق ہوگیا،جبکہ صدر مرکزی لائین آٹو پارٹس مارکیٹ گودام کی چھت سے پراسرارطور پر گر کر50سالہ شاہد جاں بحق ہوگیا، اپر گزری نعمان کمرشل بلڈنگ کے قریب فلیٹ کی سیڑھیوں سے گرکر 30 سالہ اشوک کمار ہلاک ہوگیا ، کورنگی سنگر چورنگی کمپنی کے قریب کرنٹ لگنے سے20 سالہ نوجوان جا ں بحق ہوگیا،متوفی نشے کے عادی تھاجو بجلی کی تارکاٹنے کے دوران کرنٹ لگنے سے جان سے گیا، شناخت نہ ہونے پر لاش پولیس نے کارروائی کے بعد سردخانے منتقل کرادی ، دریں اثنا ڈیفنس توحید کمرشل میں 40 سالہ نامعلوم شخص کی لاش ملی جو سردخانے منتقل کرادی گئی،وجہ موت ابتدائی طور پر طبعی بتائی جاتی ہے ۔
