• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چیمپئنز ٹرافی: انگلینڈ نے کرکٹ اسکواڈ کا اعلان کردیا

آج کا اخبار
یورپ سے
23 دسمبر ، 2024
لندن (نیوز ڈیسک) انگلینڈ نے دورہ بھارت اور پاکستان میں شیڈول آئی سی سی چیمپئنز ٹرافی کیلئے اسکواڈ کا اعلان کردیا۔ انگلش ٹیم کے کپتان بین اسٹوکس اگلے برس پاکستان میں شیڈول چیمپیئنز ٹرافی ون ڈے انٹرنیشنل ٹورنامنٹ اور بھارت کے خلاف وائٹ بال دورے سے باہر ہوگئے ہیں۔ ٹیم مینجمنٹ کی جانب سے اعلان ایسے وقت میں کیا گیا ہے کہ جب انگلش ٹیم کو کیویز کے ہاتھوں سیریز کے تیسرے ٹیسٹ میچ میں شکست کا منہ دیکھنا پڑا تھا۔ بین اسٹوکس تیسرے ٹیسٹ میچ کی دوسری اننگز میں بیٹنگ کیلئے بھی نہیں آسکے تھے کیونکہ وہ ہیمسٹرنگ کا شکار تھے جس کے باعث انہیں سلیکشن کیلئے زیر غور نہیں لایا گیا۔ بھارت کے خلاف وائٹ بال سیریز اور چیمپئنز ٹرافی ٹورنامنٹ کیلئے انگلش ٹیم کی کپتانی جوز بٹلر کے سپرد کی گئی ہے جبکہ دیگر کھلاڑیوں میں جوفرا آرچر، گس اٹکنسن، جیکب بیتھل، ہیری بروک، برائیڈن کارس، بین ڈکٹ، جیمی اوورٹن، جیمی اسمتھ، لیام لیونگسٹون، عادل رشید، جو روٹ، ثاقب محمود، فل سالٹ، مارک ووڈ شامل ہیں۔
یورپ سے سے مزید