فرمان الہی
نماز کے اوقات
کراچی ( اسٹاف رپورٹر) بانی پاکستان کے یوم پیدائش پر مزار قائد پر میڈیا سے گفتگو کے دوران گورنر سندھ کامران ٹیسوری اور وزیراعلیٰ سندھ سید مراد علی شاہ کے مابین دلچسپ جملوں کا تبادلہ ہوا۔
گورنر سندھ نے وزیراعلیٰ سندھ کو مخاطب کرکے کہا کہ وزیر اعظم سے بات کرکے کراچی کے لیے بھی فنڈ ریلیز کروائیں ،وزیر اعلی سندھ مراد علی شاہ نے جواب میں کہا کہ کراچی میرا شہر ہے،اس کے جواب میں گورنر سندھ نے کہا کہ کراچی ہم سب کاہے،اس دوران وزیر اعلیٰ سندھ نے مخاطب کرکے کہا کہ آپ صرف کراچی کی بات کررہے ہیں آپ پورے سندھ کے گورنر ہیں۔
وزیراعلیٰ کے جواب پر گورنر سندھ نے کہا کہ میں کراچی اور پورے سندھ کا گورنر ہوں ، وزیر اعلیٰ سندھ نے کہا کہ سندھ حکومت کراچی کے لیے کے فور منصوبہ،بی آر ٹی منصوبہ سمیت بڑے بڑے پروجیکٹس پر کام جاری ہے۔
