• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ریڈ لائن ہماری حکومت کیلئے شرمندگی کا باعث بن رہا ہے، میئر کراچی

آج کا اخبار
اہم خبریں
26 دسمبر ، 2024
کراچی (اسٹاف رپورٹر) میئرکراچی بیرسٹر مرتضیٰ وہاب نے کہا ہے کہ ریڈ لائن ہماری حکومت کیلئے شرمندگی کا باعث بن رہا ہے، بورڈ کی میٹنگ میں ٹرانس کراچی کے حوالے سے بات کروں گا،پانی کے مسائل اور کمی پر کچھ لوگ سیاست کر رہے ہیں، حب کی نئی کینال سے اگلے سال اگست سے پانی کی فراہمی شروع ہو جائیگی، پورے شہر میں ترقیاتی کام کرائے، جو فرشتے الزام لگا رہے ہیں ان سے پوچھیں کہ نو ٹاؤنز میں انہوں نے کیا کام کیا ہے، قائدا عظم محمد علی جناح کے رہنما اصولوں پر عمل کرکے شہر اور ملک کو ترقی دی جاسکتی ہے،مسیحی برادری کو کرسمس کی مبارکباد دیتا ہوں۔ ان خیالات کا اظہار انہوں نے قائد اعظم محمد علی جناح کےویں یوم ولادت کے موقع پر انکے مزار پر حاضری اور شہریوں کی جانب سے پھولوں کی چادر چڑھانے اور فاتحہ خوانی کے بعد میڈیا کے نمائندوں سے گفتگو کرتے ہوئے کیا۔ میئرکراچی نے کہا کہ کراچی شہر کو یہ اعزاز حاصل ہے کہ قائد اعظم کراچی میں پیدا ہوئے اور اسی شہر میں آرام فرما ہیں،ان کی بے لوث قیادت کے ذریعے پاکستان جیسی آزاد ریاست حاصل کی۔ انہوں نے کہا کہ تنقید کرنے والوں کے دعوے کے برعکس کراچی میں پانی وافر مقدار میں موجود ہے، پچاس ہزار گیلن پانی ٹینکرز کے ذریعے بابا بھٹ جزیرے پر پہنچایا گیا، پانی کو ٹینکرز سے نکال کر سڑکوں پر ضائع کرکے کیا پیغام دیا جا رہا ہے۔
اہم خبریں سے مزید