ایڈنبرگ (جنگ نیوز) پاکستان جونیئر انڈر 17کیٹیگری اسکواش چیمپئن اذان علی خان ایڈنبرگ میں جاری اسکاٹش جونیئر اوپن چیمپئن شپ کے فائنل میں پہنچ گئے۔ اذان علی خان نے اسکاٹش جونیئر اوپن چیمپئن شپ کے کواٹر فائنل میں برطانوی کھلاڑی جورج بار کر کو 11-3 11-6 11-3شکست دی جبکہ سیمی فائنل میں آسٹریلین کھلاڑی کیسپیر چونگ کو شکست دے کر فائنل میں جگہ بنائی۔ پاکستانی جونیئر اسکواش چیمپئن اذان علی خان اب فائنل میں سویٹزرلینڈ کے کھلاڑی لینڈرو واگل کے مدمقابل ہوں گے۔ چیئرمین پرائم منسٹر یوتھ پروگرام رانا مشہود احمد خان نے کھلاڑی، کوچ اور ٹیم منیجر اور قوم کو اس جیت پر مبارکباد دی ہے۔ ایونٹ میں22 ممالک کے کھلاڑی حصہ لے رہے ہیں جن میں کینیڈا، برطانیہ، اٹلی، مصر، امریکہ وغیرہ شامل ہیں۔ اذان علی خان دوسرے مرحلے میں برٹش اوپن ورلڈ جونیئر اسکواش چیمپئن شپ میں بھی حصہ لیں گے۔ برٹش اوپن ورلڈ جونیئر اسکواش چیمپین شپ2 جنوری سے6 جنوری تک برمنگھم میں منعقد ہوگی۔ پاکستان کی معروف فلاحی تنظم مسلم ہینڈز اور پرائم منسٹر یوتھ پروگرام کھلاڑی کو مکمل سپورٹ کررہے ہیں۔
فرمان الہی
نماز کے اوقات
