کراچی (بابر علی اعوان /اسٹاف رپورٹر) کراچی میں سردی کی شدت میں اضافے پر جلدی امراض پھیل رہے ہیں جس پر ماہرین امراض جلد نے شہریوں کو ہدایت کی ہے کہ احتیاط کریں ، گرم کپڑے ،چادریں اور کمبل گرم پانی سے دھوئیں، جلد کو نم رکھیں ، سگریٹ نوشی سے گریز کریں اور بے مقصد دواؤں کا استعمال نہ کریں۔ ماہر امراض جلد ڈاکٹر عماد کرمانی نے بتایا کہ سردی شروع ہوتے ہی سب سے زیادہ متعدی خارش کے مریض آرہے ہیں یہ بیماری ایک فرد سے پورے گھرانے کو لگتی ہے پورے جسم میں خارش ہوتی ہے جس سے انفیکشن ہو جاتا ہے اور زخم اور دانے پڑ جاتے ہیں ۔ اس سے بچنے کے لئے عوام کو چاہیے کہ ڈاکٹر سے رجوع کرنے کے ساتھ گرم کپڑے ،چادریں اور کمبل خوب گرم پانی سے دھوئیں اورسخت دھوپ میں پھیلائیں ۔
فرمان الہی
نماز کے اوقات
