فرمان الہی
نماز کے اوقات
لندن (پی اے) ہیکنی کونسل اب بھی 2020 میں ہونےوالے سائبر حملے سے اثرات سے نمٹ رہی ہے۔ ہیکنی کونسل نے ایک نیا ہاؤسنگ مینجمنٹ سسٹم خریدا ہے- یہ ٹیکنالوجی مقامی حکام کی ہاؤسنگ کے انتظام میں معاونت کرتی ہے کیونکہ یہ چار سال قبل سائبر حملے سے ہونے والے نقصانات سے نمٹنے کی کوشش کررہی ہے۔ دسمبر میں، لوکل ڈیموکریسی رپورٹنگ سروس (ایل ڈی آر ایس) نے کونسل سے اگست 2023میں اعلان کردہ ایک نئے حل کے بارے میں اپ ڈیٹ کے لیے کہا، جس کا مقصد ڈیٹا کی خلاف ورزی پر نتائج کو حل کرنے میں مدد کرنا تھا۔ کونسل کے آئی ٹی ڈپارٹمنٹ نے تصدیق کی ہےکہ ایل ڈی آر ایس نے 17دسمبر کو ایک نئے معاہدے پر دستخط کیے گئے تھے اور جنوری میں اس پر عمل درآمد کیا جائے گا۔ ٹیم نے کہا کہ یہ معاہدہ دستیاب آپشنز اور مصالحت کے مکمل جائزے کے بعدہیکنی کے لیےرقم کی بہترین قیمت کو محفوظ بنانے کے لیے ہے۔ ایل ڈی آر ایس کے مطابق اکتوبر 2020کے سائبر حملے نے ہاؤسنگ بحران کے دوران خدمات پر دیرپا اثر چھوڑا جس کے باعث، بورو کو دارالحکومت میں سب سے طویل انتظار کی فہرستوں میں سے ایک کا سامنا ہے - جولائی 2024میں، انفارمیشن کمشنر آفس (آئی سی او) نے کہا کہ مقامی اتھارٹی الزام سے مستثنیٰ نہیں ہے، انہوں نے نظام کو حملے سے بچانے کے لیے خاطر خواہ اقدامات کو مؤثر طریقے سے نافذ کرنے میں ناکامی پر تنقید کی۔ ریگولیٹر کے ڈپٹی کمشنر سٹیفن بونر نے کہا کہ یہ خلاف ورزی کونسل کی طرف سے واضح اور قابل گریز غلطی تھی۔ انہوں نے سادہ غلطیوں کی طرف اشارہ کیا جیسے غیر فعال اکاؤنٹس جہاں صارف کےنام اور پاس ورڈ ایک جیسے ہوتے ہیں۔ اس وقت، کونسل نے کہا کہ اس نے آئی او سی کے الزامات کو قبول نہیں کیا اور اپنی حفاظتی ذمہ داریوں کی خلاف ورزی نہیں کی ہے۔ دسمبر میں، ایل ڈی آر ایس نے اطلاع دی کہ مقامی اتھارٹی نے ہیک کے بعد ہونے والے نقصانات سے نمٹنے کے لیے لاکھوں پونڈز خرچ کیے ہیں۔ کونسل کے اکاؤنٹس سے پتہ چلتا ہے کہ ایجنسی کے مزید عملے کی خدمات حاصل کرنے کے لیے 344000پونڈز دیئےگئے، جزوی طور پر حملے کی وجہ سے ہونے والے بیک لاگ کو سنبھالنے کے لیے، مزید 413000پونڈز سائبر سیکیورٹی کے آئی ٹی کنسلٹنٹس پر خرچ کیے گئے۔ کونسل نے کہا کہ اسے امید ہے کہ نیا نظام مدد کرے گا، کیونکہ ان کا کہنا تھا کہ ہاؤسنگ سروسز کافی دباؤ میں ہیں اور عارضی رہائش کا مطالبہ اس کے بجٹ سے زیادہ اخراجات کو بڑھا رہا ہے۔
