• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ایف آئی اے نے ایک ماہ میں 185 انسانی اسمگلرز اور ایجنٹس کو گرفتار کیا

آج کا اخبار
اہم خبریں
17 جنوری ، 2025
اسلام آباد (ایوب ناصر) ایف آئی اے نے ایک ماہ کے دوران 185 انسانی سمگلرز اور ایجنٹس کو گرفتار کیا۔یونان کشتی حادثے میں ملوث 38 ایف آئی اے اہلکاروں کو ملازمت سے برخاست کیا گیا، ریڈ بک میں شامل 38انتہائی مطلوب انسانی اسمگلروں کو گرفتار کرکے عدالتوں میں پیش کیا، یونان کشتی حادثہ 2024 میں ملوث 16 ایجنٹس کو گرفتار کیا۔ 20 ایف آئی اے اہلکاروں کو بھی حراست میں لے کر تفتیش شروع کی گئی۔ انسانی سمگلنگ میں ملوث عناصر کے خلاف جاری پیش رفت رپورٹ کے مطابق سال 2023 کے یونان کشتی حادثہ کے حوالے سے 15 اشتہاریوں اور 15 ماسٹر مائنڈ انسانی سمگلروں کو گرفتار کیا گیا۔ انسانی سمگلنگ میں ملوث ملزمان کی 45 کروڑ روپے سے زائد مالیت کی جائیداد ضبط کی گئی۔ انسانی سمگلنگ میں ملوث عناصر کے زیر استعمال 7 کروڑ روپے کے بینک اکاؤنٹس منجمد کئے گئے۔
اہم خبریں سے مزید