فرمان الہی
نماز کے اوقات
بالی ووڈ سپر اسٹار شاہ رخ خان کو آئیکونک بنانے والی چیزوں کی کوئی کمی نہیں ہے جو انکی شہرت کو مزید بڑھاتی ہے۔ انہی چیزوں میں ممکنہ طور پر انکی مشہور ہٹ فلم اوم شانتی اوم میں ادا کیا گیا مشہور ڈائیلاگ ’اتنی شدت سے میں نے‘ ہے۔
پرستاروں کی جانب سے انہیں پسند کیے جانے کا عملی مظاہرہ حال ہی میں دبئی میں ایک تقریب کے دوران دیکھنے میں آیا جب کنگ خان اپنے مداحوں سے مل رہے تھے۔
اس موقع پر ایک پرستار نے اپنی گرل فرینڈ کی پریشانیوں سے انہیں آگاہ کیا اور ان سے ملاقات پر خوشی کا اظہار کیا۔ اپنے پرستار کی دل بستگی کےلیے شاہ رخ خان نے اس سے پوچھا کیا کبھی اس نے مذکورہ بالا لڑکی سے کچھ کہا۔
جس کے بعد انہوں نے اپنی 2007 کی یاد گار فلم اوم شانتی او کا مشہور ڈائیلاگ ’اتنی شدت سے میں نے تمہیں پانے کی کوشش کی ہے کہ ہر ذرہ نے مجھے تم سے ملنے کی سازش کی ہے‘، دہرائے۔
اس دوران انہوں نے اپنے پرستار کےلیے نیک خواہشات کا بھی اظہار کیا، بعدازاں انہوں نے فون اٹھا کر وہاں موجود لوگوں کی ویڈیو بنائی۔
