فرمان الہی
نماز کے اوقات
پاکستان شوبز انڈسٹری کی معروف اداکارہ وینا ملک نے انکشاف کیا ہے کہ انہوں نے مشہور بھارتی رئیلٹی شو بگ باس میں دوسری بار شرکت کے لیے موصول ہونے والی پیشکش کو ٹھکرا دیا تھا۔
وینا ملک نے حال ہی میں ایک نجی ٹی وی کے پروگرام میں بطور مہمان شرکت کی جہاں اُنہوں نے اپنے شوبز کیریئر اور نجی زندگی کے بارے میں گفتگو کی۔
اُنہوں نے بھارت میں کام کرنے کے تجربے کے بارے میں بات کرتے ہوئے بتایا کہ مجھے بھارت کے مشہور رئیلٹی شو بگ باس میں دوسری بار شرکت کے لیے بھی پیشکش موصول ہوئی تھی لیکن میں نے قبول نہیں کی۔
اداکارہ نے بگ باس میں شرکت کی پیشکش کو ٹھکرانے کی وجہ بتاتے ہوئے کہا کہ میں نے یہ پیشکش اس لیے ٹھکرائی کیونکہ میں اپنے بچوں کے ساتھ زیادہ وقت گزارنا چاہتی تھی۔
اُنہوں نے بالی ووڈ کے مشہور خانز کے ساتھ کام کرنے کی خواہش سے متعلق پوچھے گئے سوال کا جواب دیتے ہوئے کہا کہ ہر اداکار کی خواہش ہوتی ہے کہ بالی ووڈ کے خانز کے ساتھ کام کرنے کا موقع ملے لیکن میں خاص طور پر شاہ رخ خان کے ساتھ کام کرنا چاہتی ہوں۔
وینا ملک نے کہا کہ میں جب بھارت میں تھی تو سلمان خان، عامر خان اور شاہ رخ خان سمیت بالی ووڈ کے کئی مشہور اداکاروں سے ملی تھی۔
اُنہوں نے یہ بھی بتایا کہ میں سلمان خان سے ان کے فارم ہاؤس پر بھی ملی تھیں لیکن میں نے ان سب ملاقاتوں کو کبھی بڑھا چڑھا کر پیش نہیں کیا۔
