فرمان الہی
نماز کے اوقات
کراچی(اسٹاف رپورٹر) پریذیڈنٹ ٹرافی گریڈ ون کرکٹ ٹورنامنٹ کے پانچویں راؤنڈ کے پہلے دن کھیل کی خاص بات پی ٹی وی کے لیفٹ آرم فاسٹ بولر اسرار حسین کی غنی گلاس کے خلاف ہیٹ ٹرک سمیت 7وکٹوں کی شاندار کارکردگی تھی۔غنی گلاس کی ٹیم پی ٹی وی کے خلاف پہلی اننگز میں 238 رنز بناکر آؤٹ ہوگئی۔ حسیب الرحمن نے 12چوکوں کی مدد سے88 رنز اسکور کیے۔ شاداب خان نے 55 رنز کی اننگز کھیلی۔اسرار حسین نے 72 رنز دے کر 7 وکٹیں حاصل کیں جس میں ہیٹ ٹرک بھی شامل ہے۔ کھیل ختم ہونے پر پی ٹی وی نے ایک وکٹ پر 130 رنز بنائے تھے۔وقارحسین 69 اور محمد طحہ 38 رنز پر ناٹ آؤٹ ہیں۔ واپڈا نے ایس این جی پی ایل کے خلاف پہلی اننگز میں 5 وکٹوں پر285 رنز بنائے تھے۔عمران ڈوگر نے فرسٹ کلاس کرکٹ میں اپنی دوسری سنچری اسکور کی اور15 چوکوں کی مدد سے110 رنز بنائے۔محمد عمار نے 58 رنز اسکور کیے۔ او جی ڈی سی ایل کی ٹیم ایشال ایسوسی ایٹس کے خلاف پہلی اننگز میں 187 رنز بناکر آؤٹ ہوگئی۔سمیر ثاقب43رنزکے ساتھ ٹاپ اسکورر رہے۔موسیٰ خان نے 52 رنز دے کر 5 وکٹیں حاصل کیں۔ایشال ایسوسی ایٹس نے کھیل ختم ہونے پر 4 وکٹوں پر 110 رنز بنائے تھے۔اذان اویس 39 رنز پر ناٹ آؤٹ تھے۔ ہائر ایجوکیشن کی ٹیم اسٹیٹ بینک کے خلاف اپنی پہلی اننگز میں 126 رنز بناکر آؤٹ ہوگئی۔علی حمزہ 57 رنز بناکر ناٹ آؤٹ رہے۔اسٹیٹ بینک نے کھیل ختم ہونے پر 7 وکٹوں پر 109 رنز بنائے تھے۔
