فرمان الہی
نماز کے اوقات
اسلام آ باد ( رانا غلام قادر ) و فاقی ملازمین کیلئے اہم خبر ہے وزارت ہا ؤسنگ و تعمیرات نے وفاقی ملازمین کو ماہانہ کرایہ کی ادائیگی کیلے موجودہ رینٹل سلینگ میں اضافہ کیلئے اپنی سفارشات منظوری کیلئے فنا نس ڈویژن کو بھجوا دی ہیں۔ فنا نس ڈویژن کی منظوری کے بعد حتمی منظوری کیلئے سمری وزیر اعظم شہباز شریف کو بھیجی جا ئے گی۔ مارکیٹ سروے کے بعد پی ڈبلیو ڈی کی جانب سے تیار کی گئی ان سفارشات میں گریڈ ایک سے بائیس تک کے وفاقی ملازمین کیلئے رینٹل سیلنگ میں 60فی صد سے 125فی صد اضافہ تجویز کیا گیا ہے۔گریڈ ایک سے چھ تک کے ملازمین کی سیلنگ میں 125فی صد اضافہ تجویزکیا گیا ہے۔ گریڈ ایک سے دو کی اسلام آ باد کی رینٹل سیلنگ 7029سے15815روپے اور روالپنڈی کیلئے سیلنگ 6591سے14830روپے تجویز کی گئی ہے۔گریڈ تین سے چھ کے ملازمین کیلئے اسلام آ باد کی رینٹل سیلنگ سے 10980سے بڑھا کر 24705روپے اور راولپنڈی کیلئے 9654سے بڑھا کر21722روپے تجویز کی گئی ہے۔گریڈ سات سے دس تک کے ملازمین کی سیلنگ میں 100فی سد اضافہ تجویز کیا گیا ہے۔اسلام آ باد کی سیلنگ 16403سے بڑھا کر 32804روپے اور راولپنڈی کیلئے 14682سے بڑھا کر29364روپے کی تجویز دی گئی ہے۔گریڈ گیارہ سے گریڈ بائیس تک سلینگ میں 60فی صد اضافہ تجویز کیا گیا ہے۔گریڈ گیارہ سے تیرہ کی اسلام آ باد کی سیلنگ24744سے 39590 روپے اور راولپنڈی کیلئے 21462سے بڑھاکر 34339روپے تجویز کی گئی ہے۔گریڈ 14سے 16تک کی اسلام آ باد کیلئے 31085روپے سے 49736روپے اور راولپنڈی کیلئے 27134سے 43414روپے تجویز کی گئی ہے۔ گریڈ سترہ اور اٹھارہ کیلئے اسلام آ باد کیلئے 41147روپے سے بڑھا کر 65835روپے اورراولپنڈی کی 35898روپے سے 57437روپے کی سفارش کی گئی ہے۔گریڈ انیس کی اسلام آ باد کی54704سے 87526اور راولپنڈی کی 46816روپے سے 74906روپے تجویز کی گئی ہے۔گریڈ بیس کیلئے اسلام آ باد کیلئے 68700روپے سے 109920روپے ا ور راولپنڈی کیلئے 59079روپے سے 94526روپے کی سفارش کی گئی ہے۔ گریڈ اکیس کیلئے اسلام آ باد کیلئے 82261روپے سے 131618روپے اور راولپنڈی کیلئے 71107 سے 113771روپے تجویز کیا گیا ہے ۔ گریڈ بائیس کیلئے اسلام آ باد کی مجودہ سیلنگ 98444روپے کو بڑھا کر 157510روپے اور راولپنڈی کیلئے 98444روپے سے 142768روپے کرنے کی تجویز ہے۔یاد رہے کہ اس سے قبل اسٹیٹ آفس نے بھی رینٹل سیلنگ میں اضافہ کی سفارش کی تھی تاہم فنا نس ڈویژن نے کی ہدایت پر وزارت ہا ؤسنگ نے پی ڈبلیو ڈی سے یہ مارکیٹ سر وے کرایا ہے۔
