• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

خواجہ سعد رفیق نے بھی پیکا قانون کےخلاف آواز اٹھادی

آج کا اخبار
اہم خبریں
03 فروری ، 2025
لاہور( نمائندہ جنگ)خواجہ سعد رفیق نے بھی پیکا قانون کیخلاف آواز اٹھادی،پاکستان مسلم لیگ (ن) کے سینئر رہنما خواجہ سعد رفیق نے کہا ہے کہ بے شک فیک نیوز ایک بہت بڑا مسئلہ بن چکا ہے لیکن کسی حکومت کے پاس شہریوںپر شکنجہ کسنے کے لا محدود اختیارات نہیں ہونے چاہئیں۔ اپنے ایک بیان میں انہوں نے کہا کہ پیکا قانون پر نمائندہ میڈیا تنظیموں سے مشاورت کی جائے ، اس قانون کے تحت بنائے جانے والے ٹربیونلز کے فیصلوں کے خلاف اپیل کا حق ہائیکورٹس کو دیا جائے ،بنیادی حقوق کے تحفظ کیلئے پیکا قانون میں ا سٹیک ہولڈرز کی مشاورت سے ضروری ترامیم لائی جائیں ۔انہوں نے کہاکہ یاد رہے کہ قوانین کی چھڑی ہمیشہ وقت بدلنے کے ساتھ اسے بنانے والوں کے خلاف استعمال ہوتی ہے۔
اہم خبریں سے مزید