• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کرم میں امن کے لیے اسلام آباد میں جرگہ، سوشل میڈیا کا غلط استعمال روکنے پر زور

آج کا اخبار
اہم خبریں
03 فروری ، 2025
اسلام آباد (نیوز ایجنسیاں) خیبرپختونخوا کے ضلع کرم میں امن و امان کے قیام کیلئے اسلام آباد میں ہونے والا جرگہ خوشگوار ماحول میں ختم ہو گیا، جرگے میں سوشل میڈیا کا غلط استعمال روکنے پر زور دیا گیا، سابق سینیٹر سجاد میاں نے کہا کہ قیام امن کیلئے عمائدین کو قریب لانے کی کوشش کی، عوام امن کیلئے ترس رہے ہیں اور قیام امن چاہتے ہیں۔ اسلام آباد میں سابق سینیٹر سجاد سید میاں کے گھر پر جرگے کا انعقاد کیا گیا اس سے قبل عمائدین نے کھانا کھایا اور پھر جرگے کا آغاز ہوا۔ عمائدین سے خطاب میں سجاد میاں نے کہا کہ جرگے میں سوشل میڈیا کا غلط استعمال روکنے، قیام امن کیلئے ضروری اقدامات پر بات چیت ہوئی جبکہ ایک دوسرے کے حقوق کا خیال رکھنے پر اتفاق ہوا۔ جرگہ ممبر سید رضا حسین کے مطابق دونوں فریقین کے عمائدین کے جرگے کی دوسری نشست کل پشاور میں ہوگی۔
اہم خبریں سے مزید