فرمان الہی
نماز کے اوقات
راولپنڈی(راحت منیر) پاکستان میں ہر 25واں شہری ہیپاٹائٹس سی کا شکار ہے۔
کل آبادی کا چار اعشاریہ05فیصد اس مرض میں مبتلا ہے جن میں 3 اعشاریہ 33 فیصد نوجوان، چار اعشاریہ 42 فیصد بالغ شہری، جبکہ ایک اعشاریہ 48 فیصد بچے ہیں۔
منشیات کے عادی افراد میں یہ شرح 43 اعشاریہ 42 فیصد ہے راولپنڈی میں 2048 سے زائد افراد شکار ہیں۔ مختلف امراض کے شکار افراد میں یہ شرح46اعشاریہ 92فیصد ہے۔
لوکلائز ہیپاٹائٹس ایلیمینیشن اینڈ پریونشن پروگرام کی رپورٹ کے مطابق راولپنڈی کی سات یونین کونسلوں میں انسداد ہیپاٹائٹس مہم میں دس ہزارتین سو47گھروں میں47ہزار728افراد کی سکریننگ کی گئی۔
2048 سے زائد مرد و خواتین میں ہیپاٹائٹس سی اور بی کی تصدیق ہوئی، 22 افراد کےبیک وقت ہیپاٹائٹس بی اور سی کاشکار ہونے کی تصدیق ہوئی۔
ہیپاٹائٹس کا شکار حاملہ خواتین کی تعداد 8 رہی، پروگرام کے سی ای او ڈاکٹر انصر اسحاق کے مطابق ہیپاٹائٹس کے شکار تمام مریضوں کے پی سی آر ٹیسٹ کئے گئے۔
