فرمان الہی
نماز کے اوقات
واشنگٹن/کراچی(این این آئی)پاکستان پیپلز پارٹی کے چیئرمین بلاول بھٹو زرداری نے کہا ہے کہ پاکستان اور امریکا کے عوامی رابطے مضبوط ہونے چاہئیں، واشنگٹن میں دعائیہ ناشتے کی تقریب سے خطاب اور پاکستانی صحافیوں سے گفتگو کے دوران انہوں نے کہا کہ ہر مسلمان حضرت عیسی علیہ السلام کا ماننے والا ہے، مذہب کو تقسیم کرنے کی بجائے اتحاد کیلئے استعمال کیا جانا چاہیے، انہوں نے امریکی حکام سمیت رہنمائوں سے ملاقاتیں بھی کیں۔ چیئرمین پاکستان پیپلز پارٹی بلاول بھٹو زرداری نے واشنگٹن میں پاکستانی میڈیا نمائندگان سے گفتگو کرتے ہوئے کہاکہ قومی دعائیہ ناشتے کی تقریب میں امریکی حکام سمیت دنیا بھر کے رہنمائوں سے اہم ملاقاتیں کیں۔انہوں نے بتایا کہ امریکا میں ہونے والے قومی دعائیہ ناشتے کی تقریب میں دنیا بھر سے اہم ترین شخصیات موجود تھیں ، تقریب میں امریکی صدر نے خطاب کیا۔ واشنگٹن میں نیشنل پریئر بریک فاسٹ میں تقریب سے خطاب میں بلاول نے کہا کہ پریئر بریک فاسٹ بین المذاہب ہم آہنگی کا ایک بہت اچھا موقع ہے۔
