فرمان الہی
نماز کے اوقات
کراچی (اسٹاف رپورٹر)سندھ ہائی کورٹ نے جوڈیشل الاؤنس کی عدم ادائیگی سے متعلق درخواست پر اسپیشل جوڈیشل الاؤنس کو فوری بحال کرنے کا حکم دیدیا، جوڈیشل عملے کی جانب سے سندھ حکومت کےخلاف توہین عدالت کی درخواست کی سماعت ہوئی، عدالت نے ریمارکس دیئے کہ کیا سندھ حکومت نے سپریم کورٹ سے حکم امتناع حاصل کیا، سرکاری وکیل نےکہاکہ سندھ حکومت نے درخواست دائر کر رکھی ہے تاحال حکم امتناع نہیں مل سکا، عدالت نے ریمارکس دیئے کہ جوڈیشل الاؤنس دینے کے عدالتی فیصلے پر تاحال عملدرآمد کیوں نہیں ہوا؟ سرکاری وکیل نے کہاکہ یہ صرف ایک الاؤنس کا معاملہ نہیں ہےبلکہ سرکاری ملازمین 100 سے زائد ہیں لیکن سندھ حکومت کے پاس اتنی رقم موجود نہیں، عدالت نے ریمارکس دیئے یہ ہمارا مسئلہ نہیں آپ نے حکم کے مطابق واجبات ادا کرنے ہیں، عدالت نے اسپیشل جوڈیشل الاؤنس کو فوری غیر منجمد کرنے کا حکم دیدیا اور ریمارکس دیئے کہ اگر عملدرآمد نہ کیا گیا تو سیکریٹری فنانس ذاتی حیثیت میں پیش ہوں، عدالت نے سماعت 4 ہفتوں کے لئے ملتوی کردی۔
