• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ٹیکس قوانین میں تجویز کردہ تبدیلیوں کو عارضی طور پر روکدیا گیا

آج کا اخبار
اہم خبریں
12 فروری ، 2025
اسلام آباد (مہتاب حیدر) ایف بی آر کی جانب سے نااہل افراد کے لیے 10 ملین روپے سے زائد کی پراپرٹی کی خرید و فروخت پر پابندیاں عائد کرنے کی کوشش اس وقت کمزور پڑ گئی ہے جب ٹیکس قوانین میں تجویز کردہ تبدیلیوں کو عارضی طور پر روک دیا گیا ہے۔ اب ٹیکس قوانین ترمیمی بل کی منظوری پر غور دو ماہ بعد صرف قومی اسمبلی کی قائمہ کمیٹی برائے خزانہ و محصولات کرے گی، جب ایف بی آر ایک آن لائن نظام تیار کرنے کے قابل ہوگا، جو فائل شدہ انکم ٹیکس ریٹرن یا ویلتھ اسٹیٹمنٹ میں رضاکارانہ تبدیلیوں کی اجازت دے گا تاکہ نااہل افراد کو اہل افراد میں تبدیل کیا جا سکے۔مجوزہ ٹیکس قوانین ترمیمی بل کے تحت، کسی شخص کو 1 کروڑ روپے مالیت کے اثاثے ظاہر کرکے اپنی اہلیت ثابت کرنا ہوگی تاکہ وہ 1کروڑ 30 لاکھ روپے کا پلاٹ خرید سکے۔
اہم خبریں سے مزید