• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

تقویم الحق آئی جے ٹی یونیورسٹی کیمپس کے ناظم منتخب

میرا شہر
پشاور
15 فروری ، 2025
پشاور (خصوصی نامہ نگار) تقویم الحق کو اسلامی جمعیت طلبہ یونیورسٹی کیمپس پشاور کا ناظم منتخب کرلیا گیا۔ اس سلسلے میں اسلامی جمعیت طلبہ یونیورسٹی کیمپس پشاور کا اجتماع ارکان برائے انتخاب ناظم خیبر پختونخوا اسفندیار عزت کی صدارت میں ہوا جس میں اراکین کیمپس نے کثرت رائے سے جامعہ پشاور کے ایم ایس کے طالب علم تقویم الحق کو سیشن2025-26 کے لئے ناظم کیمپس منتخب کیا۔مقامی مجلس شوریٰ سے مشاورت کے بعد ناظم کیمپس نے پشاور یونیورسٹی کے طالب علم آفتاب عالم کو جنرل سیکرٹری جبکہ عادل احمد کو یونیورسٹی کیمپس کا اسسٹنٹ جنرل سیکرٹری مقرر کیا۔ ارشد خان ،سید ضحاک جان ،آفتاب آفریدی، محمد انس ،سید سلمان کو علی الترتیب ناظم جامعہ پشاور،زرعی یونیورسٹی، اسلامیہ کالج یونیورسٹی،انجینئرنگ یونیورسٹی،خیبر میڈیکل کالج پشاور ، دیدار احمد کو شعبہ تنظیم و تربیت، سعود خان ساحل کو انچارج سوشل میڈیا ٹیم ، کاشف الرحمٰن کو بیت المال کا انچارج جبکہ وقاص احمد کو ترجمان یونیورسٹی کیمپس پشاور مقرر کیا ہے۔
پشاور سے مزید