• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مانسہرہ، راستہ بھٹکنے والے دو غیر ملکی سیاحوں کو ریسکیو کر لیا گیا

آج کا اخبار
اہم خبریں
24 فروری ، 2025
مانسہرہ(صباح نیوز) مانسہرہ کے سیاحتی مقام سری پائے میں سکیئنگ کے دوران راستہ بھٹکنے والے دو غیر ملکی سیاحوں کو 10گھنٹوں کی طویل سرچ آپریشن کے بعد ریسکیو کرلیا گیا۔شوگراں میں موجود دوغیرملکی سیاح جو سیاحتی مقام سری پائے پرموجود 4 فٹ سے زائد برف پرسکیئنگ سے لطف اندوز ہو رہے تھے۔ مکھڑا پائے کی طرف نکل جانے کے بعد راستہ بھٹک گئے تھے۔ سکیورٹی پر موجود اہلکاروں کی اطلاع پر کاغان ڈویلپمنٹ اتھارٹی کے اہلکاروں نے مقامی پولیس اور ٹورزم پولیس کے ہمراہ ویران اورخطرناک راستوں پر سری پائے کے سرچ آپریشن کے بعد کوہ مکھڑا کے دامن کے بیس میں موجود دونوں غیر ملکیوں کو صبح سات بجے ریسکیو کرلیا۔دونوں غیر ملکی سیاحوں نے اندھیرے کے باعث رات بیس میں گزاری۔ دونوں غیر ملکی سیاحوں کو بحفاظت ریسکیو کرکے شوگراں پہنچا دیا گیا۔
اہم خبریں سے مزید