• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نیب افسرکی پُراسرار موت، وقاص احمد کی لاش گیسٹ ہاؤس سے ملی

آج کا اخبار
اہم خبریں
24 فروری ، 2025
اسلام آباد(ایوب ناصر ، خصوصی نامہ نگار) وفاقی دارالحکومت میں قومی احتساب بیورو کے ایک اعلیٰ افسر پراسرار طور پر زندگی کی بازی ہار گئےگریڈ 19 کے افسر وقاص احمد کی لاش جی سکس فور سیکٹر میں واقع ایک گیسٹ ہاؤس سے ملی۔ جو دروازہ توڑ کر نکالی گئی ،پوسٹ مارٹم کے بعد میت ورثا کے حوالے کر دی گئی جو اسے لاہور لے گئے ہیں ، پولیس حکام کا کہنا ہے کہ وقاص احمد کا کمرا اندر سے لاک تھا اور ابتدائی تفتیش میں جسم پر کسی قسم کے تشدد یا زخم کے نشانات نہیں پائے گئے، لاش کو پوسٹ مارٹم کے لیے پولی کلینک ہسپتال منتقل کیا گیا اور پوسٹ مارٹم کے بعد اسے ورثا کے حوالے کر دیا گیا، نیب ذرائع کے مطابق وقاص احمد کا تعلق لاہور سے تھا اور وہ ماضی میں اوگرا کیس کے تفتیشی افسر کے طور پر خدمات انجام دے چکے تھے۔ ان کی اچانک اور پراسرار موت کے بعد مختلف پہلوؤں سے تحقیقات کی جا رہی ہیں تاکہ اصل وجوہات کا تعین کیا جا سکے۔پولیس کا کہنا ہے بظا ہر تو موت قدرتی لگتی ہے تاہم پوسٹ مارٹم رپورٹ کے بعد ہی موت کی اصل وجوہات سامنے آ سکیں گی ، تھانہ آبپارہ پولیس نے رپٹ درج کر لی ہے، نیب حکام نے بھی واقعے پر اظہار افسوس کرتے ہوئے تحقیقات میں مکمل تعاون کی یقین دہانی کرائی ہے۔
اہم خبریں سے مزید