• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کے پی، صوبائی وزیرصحت نے مانکی پاکس کے متاثرہ خاتون کی تصدیق کردی

آج کا اخبار
اہم خبریں
24 فروری ، 2025
پشاور (خصوصی نامہ نگار) مشیر صحت خیبر پختونخوا احتشام علی نے صوبے میں منکی پاکس کے ایک اور کیس کی تصدیق کر دی ہے،متاثرہ خاتون کے شوہر حال ہی میں ایک خلیجی ملک سے وطن واپس آیاجومانکی پاکس کامریض تھا۔ ان کے مطابق یہ خیبر پختونخوا میں پہلا مقامی منتقلی (کمیونٹی ٹرانسمیشن) کیس ہے، اس سے قبل جتنے بھی کیس رپورٹ ہوئے تھے وہ بیرون ملک سفر سے واپسی پر سامنے آئے تھے۔ مشیر صحت کے مطابق متاثرہ خاتون کے شوہر حال ہی میں ایک خلیجی ملک سے وطن واپس آئے تھے، جن میں ابتدائی طور پر کوئی علامات ظاہر نہیں ہوئیں، تاہم بعد ازاں ان میں بھی منکی پاکس کی تصدیق ہو گئی تھی۔ ڈائریکٹر پبلک ہیلتھ ڈاکٹر فضل مجید کے مطابق مریضہ کو 18فروری کو بخار اور جسم میں درد کی شکایت پر ہسپتال منتقل کیا گیا تھا۔ 19فروری کو ان کے جسم اور منہ میں دانے (رَش) نمودار ہوئے، جس پر پبلک ہیلتھ کوآرڈی نیٹر ڈاکٹر محمد عامر خان نے کیس رپورٹ کیا۔ 20فروری کو تحقیقاتی ٹیم نے مریضہ کے نمونے حاصل کر کے خیبر میڈیکل یونیورسٹی، پبلک ہیلتھ ریفرنس لیبارٹری بھجوائے جہاں 21فروری کو منکی پاکس کی تصدیق ہوئی۔ ڈائریکٹر پبلک ہیلتھ نے مریضہ کے شوہر کی تفصیلات بتاتے ہوئے کہا کہ ان کی وطن واپسی کے وقت کوئی علامات ظاہر نہیں ہوئی تھیں، تاہم 5 فروری کو انہیں بخار اور جسم میں درد محسوس ہوا، اور 6 فروری کو ان کے جسم اور منہ میں دانے نمودار ہو گئے۔ متاثرہ خاندان اور ان کے قریبی افراد کی اسکریننگ کی گئی، اور مریضہ کے شوہر سمیت تمام قریبی افراد کو گھریلو آئیسولیشن کی ہدایت دی گئی ہے۔ ڈائریکٹر پبلک ہیلتھ ڈاکٹر فضل مجید نے عوام سے اپیل کی ہے کہ وہ منکی پاکس کی علامات سے آگاہ رہیں اور کسی بھی مشتبہ علامت کی صورت میں فوری طور پر قریبی مرکز صحت سے رجوع کریں۔
اہم خبریں سے مزید