• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

رمضان المبارک کی آمد، منافع خور بے قابو، مہنگائی میں اضافہ، عوام پریشان، گھریلو بجٹ آؤٹ

آج کا اخبار
اہم خبریں
24 فروری ، 2025
کراچی، لاہور (ایجنسیاں، مانیٹرنگ ڈیسک) رمضان المبارک سے پہلے ہی ہر چیز کے نرخ میں اضافہ ہوگیا، جس سے عوام شدید پریشان ہیں، منافع خوروں نے پھل اور دالیں سمیت دیگر اشیاء خوردونوش کی قیمتوں میں اضافہ کر دیا ہے جسکی وجہ سے لوگوں کا گھریلو بجٹ آئوٹ ہوگیا ہے۔ انڈے فی درجن 230 سے بڑھ کر 272 کے ہو گئے‘ چھوٹا گوشت 200روپے‘ بڑا گوشت 300روپے کلو مہنگا ہوگیا ہے۔ رمضان المبارک کی آمد سے قبل ہی منافع خوروں نے کھانے پینے کی اشیاء کی قیمتوں میں اضافہ کر دیا۔ مارکیٹ ذرائع کے مطابق چند روز میں انڈے فی درجن 230 سے بڑھ کر 272 روپے کے ہو گئے ہیں، چھوٹے گوشت کی قیمت 200روپے اضافے سے 2500 روپے کلو جبکہ بڑا گوشت 1100سے بڑھ کر 1400روپے میں فروخت ہو رہا ہے۔ مارکیٹ ذرائع کا کہنا ہے کہ چینی 124 روپے سے بڑھ کر 155 اور 160 روپے فی کلو تک جا پہنچی ہے، اسی طرح سیب، کیلا، خربوزہ، کینو اور اسٹرابیری کی قیمت میں 100 سے 300 روپے تک اضافہ ہو چکا ہے۔دوسری جانب کنزیومر ایسوسی ایشن کا کہنا ہے کہ انتظامیہ خاموش تماشائی بنی ہوئی ہے، سرکاری ریٹ لسٹ پر عمل نہیں ہو رہا اور منافع خور اپنی مرضی سے قیمتیں وصول کر رہے ہیں۔
اہم خبریں سے مزید