فرمان الہی
نماز کے اوقات
مکہ مکرمہ میں نکاح کرنے والی اداکارہ کبریٰ خان نے اپنی رخصتی کی تصاویر شیئر کر دیں جبکہ ایک سوشل میڈیا پیج نے ان کی رخصتی و عشائیہ کی ویڈیو بھی شیئر کی گئی ہے۔
فوٹو اینڈ ویڈیو شیئرنگ پلیٹ فارم انسٹاگرام پر اداکارہ کی جانب سے شیئر کی گئی تصاویر میں انہیں دلہن کے روپ میں دیکھا جاسکتا ہے۔
نکاح میں سفید عبایا زیب تن کرنے والی اداکارہ نے اپنی رخصتی میں سُنہرے کام والے ہلکے گلابی غرارے کا انتخاب کیا۔
سوشل میڈیا پیج کی جانب سے جاری کردہ ویڈیو میں دولہا میاں تو دکھائی نہ دیے لیکن کبریٰ خان کی رخصتی کی اس تقریب کی دیگر سجاوٹ میں ہلکا گلابی اور پیچ رنگ نمایاں رہا۔
انسٹا گرام پر پوسٹ شیئر کرتے ہوئے اداکارہ نے لکھا کہ میں رخصتی کے لیے اس سے زیادہ خوبصورت جوڑے کا تصور نہیں کر سکتی تھی۔
سوشل میڈیا پیج کے مطابق اداکارہ کی رخصتی و عشائیہ کا اہتمام مکہ مکرمہ میں کیا گیا تھا۔
