فرمان الہی
نماز کے اوقات
جاپان میں ایک 32 سالہ شخص نے اپنے سابق کلاس فیلو کی 53 سالہ والدہ سے شادی کرلی۔
ایسامو ٹومیوکا کی اپنی مستقبل کی اہلیہ میڈوری سے اس وقت ملاقات ہوئی جب وہ اسکول میں پڑھتا تھا اور میڈوری اس کی ایک کلاس فیلو کی ماں تھی، جو اس سے 21 برس بڑی تھی۔ لیکن عمروں کی اس کافی زیادہ تفاوت اسے اس شادی سے باز نہ رکھ سکی۔
ایسامو اور میڈوری کی اس غیر عمومی محبت کی کہانی جاپان میں اس وقت وائرل ہوئی جب شیزوک جوڑے نے ایک مشہور ٹی وی شو کے دوران اپنے رومانوی تعلقات پر گفتگو کی۔
ایسامو کے مطابق اس نے میڈوری کو پہلی بار اسکول میں ہونے والی پیرنٹس ٹیچر میٹنگ میں اس وقت دیکھا جب وہ بہت کم عمر تھا، تاہم اسے لگا کہ یہ خاتون بہت خوبصورت ہیں۔
اور جب انکی 20 برس بعد دوبارہ ملاقات ہوئی تو اس خاتون کے سنجیدہ انداز اور شخصیت سے کافی متاثر ہوا اور انکی قربت کے حصول کےلیے اس نے اپنی سابق ہم جماعت سے رابطے بڑھائے۔
تاہم میڈوری نے اس کے تیور دیکھے تو انھوں نے عمروں میں غیر معمولی فرق کی وجہ سے اسکی حوصلہ شکنی کی۔
لیکن اس کی مسلسل کوششوں کے آگے بلآخر وہ مجبور ہو گئیں، لیکن پھر یہ خیال آیا کہ خاندان اور میری بیٹی کیا سوچے گی۔ لیکن جب انکی بیٹی نے انھیں اس فیصلے کے لیے تیار کیا تو پھر وہ شادی کے لیے تیار ہوگئیں۔
