• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سوشل میڈیا قوانین جھوٹی خبروں کا پھیلاؤ روکنے کیلئے کئے، ڈپٹی چیئرمین سینیٹ

آج کا اخبار
اہم خبریں
28 فروری ، 2025
اسلام آباد(نمائندہ خصوصی) ڈپٹی چیئرمین سینیٹ سیدال خان ناصر نے کہا ہے کہ پاکستان میں سوشل میڈیا قوانین جھوٹی خبروں کا پھیلائو روکنے کیلئے کئے ،ملک میں سیکورٹی صورتحال مستحکم ہے ، انہوں نے اپنے دو روزہ نجی دورے کے دوران جمعرات کے روز سنگاپور میں مقیم پاکستانی کاروباری برادری سے ملاقات کی۔ اس ملاقات کا مقصد پاکستان میں سرمایہ کاری کے مواقع پر تبادلہ خیال کرنا اور بیرون ملک مقیم سرمایہ کاروں کے ساتھ اقتصادی تعلقات کو مزید مضبوط بنانا تھا۔اس موقع پر ڈپٹی چیئرمین سیدال خان نے پاکستان میں موجود بے پناہ سرمایہ کاری کے مواقع، خصوصاً بلوچستان کے معدنیات اور کان کنی کے شعبے میں سرمایہ کاری کے امکانات پر روشنی ڈالی۔ انہوں نے اس بات پر زور دیا کہ موجودہ حکومت نے کاروبار دوست ماحول فراہم کیا ہے اور پاکستانی معیشت استحکام کی راہ پر گامزن ہے۔ انہوں نے پاکستانی کاروباری برادری کو پاکستان میں موجود وسیع مواقع سے فائدہ اٹھانے کی ترغیب دی اور یقین دلایا کہ ملک کی سیکیورٹی صورتحال مستحکم ہے، جبکہ کئی بین الاقوامی کمپنیاں پہلے ہی پاکستان میں سرمایہ کاری کر رہی ہیں۔مزید برآں، سیدال خان نے پاکستانی کاروباری شخصیات کی جانب سے سوشل میڈیا قوانین سے متعلق اٹھائے گئے خدشات کا بھی جواب دیا۔ انہوں نے وضاحت کی کہ یہ قوانین افراد کی پرائیویسی کے تحفظ اور جھوٹی خبروں کے پھیلاؤ کو روکنے کے لیے وضع کیے گئے ہیں۔ اس کے ساتھ ہی، انہوں نے ملک میں انٹرنیٹ خدمات کی بہتری کے لیے حکومت کی جاری کوششوں پر بھی روشنی ڈالی۔
اہم خبریں سے مزید