فرمان الہی
نماز کے اوقات
پاکستان کرکٹ بورڈ (پی سی بی) نے پریذیڈنٹ ٹرافی فائنل کے حوالے سے منفرد فیصلہ کرلیا۔
ذرائع کے مطابق پی سی بی فیصلے کے تحت 5 روزہ فائنل کے تمام سیشنز مصنوعی روشنی میں ہوں گے۔
فرسٹ کلاس کرکٹ میں پہلی مرتبہ کھیل شام سے شروع ہوگا اور رات گئے تک جاری رہے گا۔
ذرائع کے مطابق پریزیڈنٹ ٹرافی کا فائنل 4 مارچ سے اسٹیٹ بینک اور پی ٹی وی کے درمیان راولپنڈی میں ہوگا۔
فائنل میچ کا کھیل شام ساڑھے 7 بجے شروع ہوگا اور رات ڈھائی بجے تک جاری رہے گا۔
ذرائع کے مطابق پہلا سیشن ساڑھے 7 سے ساڑھے 9، دوسرا سیشن 10 سے 12، اور تیسرا ساڑھے 12 سے ڈھائی بجے تک ہوگا۔
پریزیڈنٹ ٹرافی کے فائنل میں گلابی رنگ کی گیند استعمال کی جائے گی، اس سے قبل فرسٹ کلاس اور ٹیسٹ میچز میں ڈے اینڈ نائٹ مقابلہ ہوچکا ہے۔
