• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اسلامک ریلیف اور محکمہ پی اینڈ ڈی کیجانب سے چاغی میں درپیش چیلنجز پر ورکشاپ

میرا شہر
کوئٹہ
01 مارچ ، 2025
کوئٹہ(پ ر) اسلامک ریلیف پاکستان نے محکمہ منصوبہ بندی و ترقی ، حکومت بلوچستان کے اشتراک سے ایک صوبائی سطح کے ورکشاپ کا انعقاد کیا تاکہ ضلع چاغی، خصوصاً نوکنڈی اور دالبندین میں منعقدہ ضلعی سطح کے ورکشاپس کے نتائج کو بہتر بنایا جا سکے اور ان کی توثیق کی جا سکے۔ ورکشاپ، جو ریکوڈک مائننگ کمپنی (RDMC) کی مالی معاونت سے منعقد ہوئی، میں حکومتی محکموں، اقوام متحدہ کی ایجنسیوں، بین الاقوامی تنظیموں اور سول سوسائٹی کے اہم اسٹیک ہولڈرز نے شرکت کی تاکہ ضلع میں موجود بنیادی مسائل اور چیلنجز کی نشاندہی کی جا سکے۔اس اعلیٰ سطحی ورکشاپ میں مختلف حکومتی محکموں کے سینئر حکام نے شرکت کی، جن میں چیف پلاننگ آفیسر برائے صحت، ڈائریکٹر زراعت، ایڈیشنل سیکریٹری منصوبہ بندی و ترقی، ڈائریکٹر جنرل محکمہ جنگلات، ڈپٹی سیکریٹری پبلک ہیلتھ انجینئرنگ ڈیپارٹمنٹ (PHED)، چیف جوائنٹ اکنامسٹ P&D، اور ڈائریکٹر پی ڈی ایم اے شامل تھے۔ ریکوڈک مائننگ کمپنی (RDMC) کے نمائندے، بشمول محمد احمر (سینئر ایڈوائزر، گورنمنٹ ریلیشنز ٹیم)، ردا زینب (سینئر آفیسر، گورنمنٹ ریلیشنز ٹیم) اور زینب نظیر (سینئر سوشل انویسٹمنٹ آفیسر)، نے بھی فعال شرکت کی۔مزید برآں اقوام متحدہ کی ایجنسیوںکے نمائندے، قومی اور بین الاقوامی غیر سرکاری تنظیموں بشمول IRC، قطر چیریٹی، WESS، BRSP، SPO، ترقی فاؤنڈیشن اور SIF کے عہدیداران نے بھی اپنی قیمتی آراء اور تجاویز پیش کیں۔ورکشاپ میں اسلامک ریلیف پاکستان کے ڈپٹی کنٹری ڈائریکٹر، رضا ناریجو نے ایک جامع بریفنگ دی، جس میں IRP کے اقدامات اور اس کے مقاصد کا جائزہ پیش کیا گیا۔ RDMC کے محمد احمر نے ریکوڈک مائننگ کمپنی کے کردار اور اس کی کاوشوں پر ایک تفصیلی پریزنٹیشن دی، جبکہ چیف جوائنٹ اکنامسٹ عارف شاہ نے ضلعی سطح کے ورکشاپس کے نتائج کا گہرائی سے تجزیہ پیش کیا۔
کوئٹہ سے مزید