• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

قائمہ کمیٹی کی کارروائی: زمین کی فروخت میں 60 ارب بے ضابطگی کا انکشاف

آج کا اخبار
اہم خبریں
05 مارچ ، 2025
اسلام آباد(عاصم یاسین) سینیٹ کی قائمہ کمیٹی برائے میری ٹائم افیئرز کے چیئرمین سینیٹر فیصل واوڈا نے کمیٹی کی بروقت کارروائی پر اظہارِ تشکر کیا، جس کی بدولت بڑے پیمانے پر بے ضابطگیاں سامنے آئیں اور زمین کی فروخت منسوخ کر دی گئی، جس سے قوم کو تقریباً 60 ارب روپے کے نقصان سے بچایا گیا۔انہوں نے کمیٹی کے اجلاس کی صدارت کرتے ہوئے کہا، "اگر ہم مداخلت نہ کرتے اور بدعنوانی کو بے نقاب نہ کرتے تو ملک کو 60 ارب روپے کا نقصان ہو سکتا تھا۔ ہماری اجتماعی کارروائی سے یہ جعلسازی بے نقاب ہوئی اور ہماری سفارشات کے 72 گھنٹوں کے اندر ہی یہ متنازعہ فروخت منسوخ کر دی گئی۔"کمیٹی کے اجلاس میں میری ٹائم اثاثوں کے انتظام سے متعلق اہم معاملات کا جائزہ لیا گیا، خصوصاً پورٹ قاسم میں 500 ایکڑ زمین کی متنازعہ فروخت پر غور کیا گیا۔کمیٹی کو بتایا گیا کہ زمین صرف 2 فیصد ایڈوانس پر فروخت کر دی گئی، جو اس کی اصل مالیت کا معمولی حصہ بنتا ہے۔ زمین کی تخمینہ شدہ اصل مالیت 60 ارب روپے تھی، لیکن اسے انتہائی کم قیمت پر فروخت کر دیا گیا۔
اہم خبریں سے مزید