• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سپریم کورٹ، توہین عدالت کا سامنا کرنیوالے سابق ایڈیشنل رجسٹرار دوبارہ تعینات

آج کا اخبار
اہم خبریں
05 مارچ ، 2025
اسلام آباد (صباح نیوز)سابق ایڈیشنل رجسٹرار نذر عباس کو ریٹائرمنٹ کے بعد دوبارہ سپریم کورٹ آف پاکستان میں تعینات کردیا گیا۔سابق ایڈیشنل رجسٹرار نذر عباس کو گزشتہ ماہ توہین عدالت کا سامنا بھی کرنا پڑا تھا۔میڈیا رپورٹس کے مطابق سابقہ ایڈیشنل رجسٹرار نذرعباس کو سپریم کورٹ آف پاکستان میں ڈائریکٹر جنرل (جوڈیشل ونگ) تعینات کیا گیا ہے۔ نذرعباس کو گریڈ 21میں 6 ماہ کی مدت کیلئے تعینات کیا گیا ہے۔ واضح رہے کہ سابق ایڈیشنل رجسٹرار نذر عباس کو گزشتہ ماہ توہین عدالت کا سامنا بھی کرنا پڑا تھا، جب ایک مقدمے کی سماعت کے دوران انہیں توہین عدالت کا نوٹس دیا گیا تھا۔21جنوری 2025 کو سپریم کورٹ نے ایڈیشنل رجسٹرار جوڈیشل نذر عباس کو عہدے سے ہٹا دیا تھا۔ سپریم کورٹ کی جانب سے ایڈیشنل رجسٹرار جوڈیشل کو عہدے سے ہٹانے کا اعلامیہ جاری کر دیا گیا۔
اہم خبریں سے مزید