فرمان الہی
نماز کے اوقات
کراچی (اسٹاف رپورٹر) صوبائی وزیر توانائی، منصوبہ بندی و ترقیات ناصر حسین شاہ کی زیر صدارت کابینہ کی سب کمیٹی فنانس کا اجلاس منعقد ہوا ،جس میں عوامی مفاد کے منصوبوں کی منظوری ، مختلف محکموں کے فنانس سے متعلق درپیش مسائل پر غور کیا گیا جبکہ گرین لائن بی آر ٹی کراچی کو فنکشنل کرنے کے لیے 200 ملین روپے گرانٹ کی منظوری دی گئی ،کڈنی سینٹر کراچی کے لیے 500 ملین گرانٹ مختص کی گئی ،کیڈٹ کالج پٹارو کے لیے 200 ملین گرانٹ ، کیڈٹ کالج کرم پور کے لیے گاڑیوں کی خریداری کی منظوری دی ،نیشنل باکسنگ چمپین شپ کے حوالے سے تجویز پر غور کیا گیا، لاہوتی میلہ فیسٹول گرانٹ، محکمہ آبپاشی کی کیردین ڈرین جیکب آباد سٹی اربن ایریا کے تحفظ کے لیے ایمرجنسی ورک ، محکمہ قانون کی جانب سے افسران کی ترقی کے حوالے سے تجاویز کی منظوری ، گاڑیوں کی خریداری کی تجویز پر غور کیا گیا ،اجلاس میں صوبا ئی وزیر داخلہ ضیالنجار،وزیر بلدیات سعید غنی،چیرمین پلاننگ اینڈ ڈولپمنٹ،سینیر ممبر بورڈ آف ریونیو، ایڈیشنل چیف سیکریٹری ہوم،سیکریٹری فنانس، سیکریٹری صحت، اور دیگر محکموں کے سیکریٹریز نے شرکت کی۔
