فرمان الہی
نماز کے اوقات
کراچی(اسٹاف رپورٹر)شارع فیصل میں ٹریفک حادثہ جاں بحق ہونے والے شخص کے لاپتا بازو گلشن اقبال سے مل گیا ،تفصیلات کے مطابق گلشن اقبال تھانہ کی حدود بلاک 19میں واقع رہائشی اپارٹمنٹ کی دیوار کے ساتھ انسانی ہاتھ ملنے پر علاقے میں خوف و ہراس پھیل گیا ،اطلاع پرپولیس اور ریسکیو اہلکاروں نے موقع پرپہنچ کر انسانی ہاتھ کو جناح اسپتال منتقل کیا ،پولیس کے مطابق ہفتے کی رات شارع فیصل نرسری کے مقام پر ٹریفک حادثے میں جاں بحق شخص کا بازو دھڑ سے الگ ہو کر گاڑی میں پھنس گیا جبکہ گاڑی کا ڈرائیور گاڑی سمیت فرار ہوگیا تھا ، ممکنہ طور پر گاڑی کا ڈرائیور بازو رہائشی اپارٹمنٹس کی دیوار کے ساتھ پھینک کر فرار ہوگیا ہو ، عبدالباسط کا بازو ورثاء کے حوالے ، حادثے کا مقدمہ تھانہ فیروز آباد میں متوفی کے بھائی کی مدعیت میں درج کرلیا ہے۔ورثاء کے مطابق متوفی عبدالباسط 5 بچوں کا باپ اور بلوچ کالونی پل کے قریب عمر کالونی کا رہائشی تھا۔
