• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پیپلز بس سروس کے اوقات میں توسیع، شرجیل میمن

آج کا اخبار
اہم خبریں
10 مارچ ، 2025
کراچی (اسٹاف رپورٹر)محکمہ ٹرانسپورٹ حکومت سندھ نے رمضان المبارک کے دوران پیپلز بس سروس کے اوقات میں توسیع کا اعلان کر دیا ہےسینئر وزیر اور صوبائی وزیر برائے اطلاعات، ٹرانسپورٹ و ماس ٹرانزٹ شرجیل انعام میمن کے مطابق 15رمضان سے بس سروس رات 1:00بجے تک جاری رہے گی انہوں نے کہا کہ اس توسیع کا اطلاق آر ون، آر ٹو، آر 3، آر 4، آر 9، آر 10، اور ای وی ون روٹس پر ہوگا تاکہ شہریوں کو زیادہ سے زیادہ سفری سہولت فراہم کی جا سکے۔ شرجیل انعام میمن نے کہا کہ حکومت رمضان کے دوران عوام کی مشکلات کو بخوبی سمجھتی ہے، کیونکہ کراچی کے شہریوں کی ایک بڑی تعداد پبلک ٹرانسپورٹ پر انحصار کرتی ہے۔ اس لیے اوقات میں توسیع کا مقصد ان کے سفری مسائل کو کم کرنا ہے، خصوصاً افطار اور رات کے وقت خریداری کے بعد محفوظ طریقے سے گھروں تک پہنچنے کے لیے بہتر سفری سہولت فراہم کرنا۔انہوں نے مزید کہا کہ حکومت سندھ عوام کی فلاح و بہبود کے لیے تمام ممکنہ اقدامات کر رہی ہے اور رمضان میں بہتر ٹرانسپورٹ آپشن فراہم کرنے کے لیے پرعزم ہے شرجیل انعام میمن نے کہا کہ شہری پیپلز بس سروس کے توسیع شدہ اوقات سے بھرپور فائدہ اٹھائیں۔
اہم خبریں سے مزید