• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آئی جی اسلام آباد علی ناصر رضوی نے ایم ڈی نیشنل پولیس فاؤنڈیشن کا چارج سنبھال لیا

میرا شہر
اسلام آباد
16 مارچ ، 2025
راولپنڈی (سٹاف رپورٹر) انسپکٹر جنرل آف پولیس اسلام آباد سید علی ناصر رضوی نے نیشنل پولیس فاؤنڈیشن کا چارج سنبھال کر کام کا آغاز کردیا۔ مینیجنگ ڈائریکٹر نیشنل پولیس فاؤنڈیشن پاکستان سید علی ناصر رضوی اب پاکستان کے تمام پولیس ڈیپارٹمنٹس کی سپاہ اور ان کے خاندانوں کی ویلفئیر کے فرائض بھی سر انجام دیں گے۔ عہدے کا چارج سنبھالنے کے بعد انہوں نے نیشنل پولیس فاؤنڈیشن کے افسران کے ساتھ متعدد میٹنگز کا انعقاد کیا۔اس موقع پر انہوں نے کہا کہ نیشنل پولیس فاؤنڈیشن پاکستان شہدائے پولیس کے خاندانوں، غازیوں اور پولیس افسران کی ویلفیئر کے لئے نئے پراجیکٹس متعارف کروائے گی۔پولیس فاؤنڈیشن کو مکمل طور پر جدید ٹیکنالوجی سے لیس کیا جائے گااور ریکارڈ کو اپ ڈیٹ کیا جائے گا۔میٹنگز میں پاکستان پولیس کے شہداءاورغازیوں کے لئے نئے ویلفیئر پراجیکٹس لانے پر بھی غورکیا گیا۔انہوں نے افسران کو احکامات جاری کرتے ہوئے کہا کہ دور حاضر کے تقاضوں کے مطابق این پی ایف کے آئی ٹی سیکشن اور دیگر شعبہ جات کو جدید خطوط پر استوار کیا جائے ۔
اسلام آباد سے مزید