کوئٹہ ( اسٹاف رپورٹر) کوئٹہ کراچی شاہراہ ایک بار پھر بند کر دی گئی، لاپتہ کئے گئے افراد کے اہلخانہ نے قلات منگچر کراس پر احتجاجاً دھرنا دے کر بند کر دیا ۔ تفصیلات کے مطابق قلات کے علاقے منگچر میں جوہان کراس پر کوئٹہ سے دو افراد فہیم اور خادم حسین کو مبینہ لاپتہ کئے جانے کے خلاف مظاہرین نے احتجاج کرتے ہوئے کوئٹہ کراچی قومی شاہراہ پر ایک بار پھر دھرنا دیتے ہوئے بند کر دیا ۔ مظاہرین کا کہنا تھا کہ دونوں نوجوانوں کو بازیاب کیا جائے بصورت دیگر دھرنا جاری رہے گا ۔دھرنے کے باعث قومی شاہراہ پر چھوٹی بڑی گاڑیوں کی طویل قطاریں لگ گئیں جن سے روزے داروں اور مسافروں کو شدید مشکلات کا سامنا کرنا پڑا ۔
فرمان الہی
نماز کے اوقات
