• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سنئیر صحافی عابد بخاری کے انتقال پر بی یو جے کا اظہار تعزیت

میرا شہر
کوئٹہ
25 ستمبر ، 2026
کوئٹہ(اسٹاف رپورٹر)بلوچستان یونین آف جرنلسٹس نے سینئر صحافی بی یو جے کے دیرینہ ساتھی مقامی روزنامہ کے نیوز ایڈیٹر عابد بخاری کے انتقال پر گہرے رنج و غم کا اظہار کرتے ہوئے مرحوم کو ان کی صحافتی خدمات پر بھرپور خراج عقیدت پیش کیا ہے ۔ بی یو جے کے صدر منظور احمد ، جنرل سیکرٹری شاہ حسین ترین اور کابینہ کے دیگر ارکان نے مشترکہ تعزیتی بیان میں کہا ہے کہ عابد بخاری ایک باصلاحیت ، ذمہ دار اور مخلص صحافی تھے جنہوں نے اپنی پیشہ ورانہ زندگی میں صحافت کے اصولوں ، سچائی اور عوامی مسائل کی نشاندہی کے لیے نمایاں کردار ادا کیا ۔ یونین کی سطح پر اجتماعی سوچ اور اجتماعی مفادات کے حصول کیلئے ان کا کردار ناقابل فراموش ہے ۔ ان کی صحافتی خدمات کو ہمیشہ یاد رکھا جائے گا ، انہوں نے دعا کی کہ اللہ تعالیٰ مرحوم کو اپنے جوار رحمت میں جگہ اور پسماندگان کو صبرجمیل عطا کرئے ۔
کوئٹہ سے مزید