فرمان الہی
نماز کے اوقات
کراچی(اسٹاف رپورٹر)ملٹری لینڈز اینڈ کنٹونمنٹ کے ڈائریکٹر جنرل میجر جنرل عرفان ملک نے کنٹونمنٹ بورڈ ملیر کے دفتر میں نئے تعمیر شدہ انتظامی بلاک کا باضابطہ افتتاح کر دیااس موقع پرمیجر جنرل عرفان ملک نے کہا کہ ملیر میں مقامی حکومت اور بنیادی ڈھانچے کو بہتر بنانے کی جاری کوششوں میں ایک اہم پیش رفت ہے، جہاں آبادی میں اضافہ اور شہری توسیع ہو رہی ہے۔ نئے انتظامی بلاک میں موجود جدید سہولیات مقامی انتظامیہ کی بڑھتی ہوئی ضروریات کو پورا کرنے کے لئے ڈیزائن کی گئی ہیں، جو مؤثر انتظامیہ کے لئے ایک مضبوط پلیٹ فارم فراہم کرتی ہیں اس موقع پر ملیر کنٹونمنٹ کے صدر بریگیڈیئر حسنات احمد،کراچی ریجن کے ڈائریکٹر تنویر اشرف اور ایگزیکٹو آفیسر سی بی ملیر عارفین زبیر چوہدری نے بھی خطاب کیاڈائریکٹر جنرل میجر جنرل عرفان ملک نےمذید کہا کہ نیا انتظامی بلاک صرف ایک عمارت نہیں ہے یہ ملیر کے رہائشیوں کے لئے ہماری وابستگی کی علامت ہےیہ ایک زیادہ جوابدہ اور مؤثر انتظامی فریم ورک تخلیق کرنے کے لئے ڈیزائن کیا گیا ہے، جو جلدی خدمات کی فراہمی اور شہریوں اور مقامی حکام کے درمیان بہتر تعامل کو ممکن بناتا ہے کراچی ریجن کے ڈائریکٹر تنویر اشرف نے کہااس انتظامی بلاک کا افتتاح صرف ہماری عوامی خدمات کو بہتر بنانے کے عزم کی نمائندگی نہیں کرتا بلکہ یہ ہماری خواہش کو بھی ظاہر کرتا ہے کہ ہم اپنے علاقے کی تیز ترقی اور ضروریات کے ساتھ ہم آہنگ رہیں۔
