• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

گداگری کا نیٹ ورک چلانیوالے دو ٹھیکیدار گرفتار، 47 بھکاری دھر لئے گئے

میرا شہر
اسلام آباد
22 مارچ ، 2025
اسلام آباد(خصوصی نامہ نگار)تھانہ کینٹ پولیس نے پیشہ ور گداگروں کے خلاف آپریشن میں منظم انداز میں گداگری کا نیٹ ورک چلانے والے دو ٹھیکیدار گرفتار کر لئے۔مختلف ہوٹل سرائے اور پلازوں میں مقیم 47پیشہ ور گداگر بھی گرفتار کر لئے گئے۔ گرفتار پیشہ ور گداگروں میں 14خواتین 31مرد اور 2ٹرانسجینڈر شامل ہیں۔ نیٹ ورک کم عمر بچوں کو بھی گداگری کے لئے استعمال کرنے میں ملوث ہے،گرفتار ٹھیکیدار لاہور، فیروز والا، بورے والا اور ڈی جی خان سے افراد کو لا کر گداگری کرواتے تھے۔ ٹھیکیدار گداگروں کو اپنی ٹرانسپورٹ پر مخصوص پوائنٹ پر چھوڑتے جہاں وہ گداگری کرتے تھے۔ گداگروں نے خواتین کے پرس، گاڑیوں سے موبائل اور قیمتی سامان چرانے کا بھی انکشاف کیا ہے۔گزشتہ روز شہر کے دیگر علاقوں میں نیو ٹاؤن سے11،بنی سے 3 اور وارث خان و رتہ امرال سے ایک ایک گداگر گرفتار کیا گیا۔
اسلام آباد سے مزید