• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

یوم پاکستان، ڈی سی آفس میں پرچم کشائی، ایک منٹ کی خاموشی، سائرن بجائے گئے

میرا شہر
ملتان
24 مارچ ، 2025
ملتان (سٹاف رپورٹر) یوم پاکستان 23 مارچ کے موقع پرکمشنر عامر کریم اور ڈی سی محمد علی نے ڈپٹی کمشنر آفس میں ٹھیک صبح 8 بجے قومی پرچم سربلند کیا اس موقع پر پرچم کشائی تقریب میں ایک منٹ کی خاموشی کے بعد سائرن بجائے گئے جبکہ ریسکیو 1122 اور سول ڈیفنس کے چاق و چوبند دستوں نے سلامی دی،تقریب میں ملکی سلامتی و ترقی کیلئے خصوصی دعا کرائی گئی ،پرچم کشائی تقریب سے خطاب کرتے ہوئے کمشنر نے کہا کہ 23مارچ ہمیں قیام پاکستان کے سنہری اغراض و مقاصد کی یاد دہانی کراتا ہے۔یوم پاکستان پر پاک سر زمین کے تقدس اور حفاظت کے تقاضوں کا عہد کرتے ہیں۔ یوم پاکستان پر اتحاد، ایمان اور نظم و ضبط کے سنہری اصولوں کو دہرانا ہے۔قبل ازیں ڈپٹی کمشنرنے تقریب سے خطاب کرتے ہوئے کہا کہ 23 مارچ ہمیں حصول پاکستان کی بھرپور جدوجہد کے آغاز کی یاد دلاتا ہے-نئی نسل یوم پا کستان پر ملکی ترقی کیلئے اپنی تمام تر صلاحیتیں بروئے کار لانے کا عہد کرے ۔
ملتان سے مزید