فرمان الہی
نماز کے اوقات
امریکی شہری نے 30 سیکنڈ میں 38 بار باسکٹ بال اپنے ہاتھوں سے اپنی پشت کی جانب پھینکا اور اسے دوبارہ سامنے سے پکڑ کر نیا گنیز ورلڈ قائم کردیا۔
اس دوران اس نے تنظیم کے ہیڈکوارٹر میں دیوار پر نصب ایک سائن کو بھی توڑ ڈالا۔
ریاست ایڈاہو سے تعلق رکھنے والے ڈیوڈ رش کے پاس اس وقت بھی کئی گنیز ورلڈ ریکارڈ موجود ہیں، اس نے لندن میں گنیز ورلڈ ریکارڈ ہیڈ کوارٹر کے دورے کے موقع پر کوشش کی کہ بی ہائینڈ دی بیک پاس آف اے وال 30 سیکنڈ میں زیادہ سے زیادہ کرے۔
رش کی جانب سے آن لائن تحریر کے مطابق اس ریکارڈ کے قائم کرنے لیے گنیز ہیڈ کوارٹر میں صرف ایک ہی دیوار موجود تھی جس پر اس تنظیم کا لوگو (نشان) نصب تھا۔
رش کو اندازہ ہوگیا تھا کہ اسکی ریکارڈ قائم کرنے کی کوشش میں جلد ہی باسکٹ بال اس لوگو کو توڑ کر گرا دے گی۔ اس دوران پہلے تو اسکی لکڑی کا اوپری حصہ گرا اور پھر بقیہ حصہ ٹوٹ کر گرتا چلا گیا۔
واضح رہے کہ ڈیوڈ رش نے 30 سیکنڈ میں 38 بار باسکٹ بال کو پاس کرکے پرانا ریکارڈ جو 25 بار کا تھا اسے توڑا۔
